Eilen alko tuntuhmaan, että Auroralla alko olheen virtaa vähä turhanki paljon. Onneksi tänhään Aurora pääsi kerhoon kolmeksi tunniksi leikkihmään toisten kans. Viime yön unet jäi muilla vähä lyhyeksi, paitsi Auroralla joka vain tuhisi ko muut kukuima ylhäälä.
Aamu vissiin tekkee toista hammasta ylös ko yö oli kitinää. Laitethiin Joonaksen kans nukkuhmaan vähän ennen kahtatoista ja kahelta Aamu alko ekan kerran itkehmään, sain nukkuhmaan ja se nukkuki vähä yli kolhmeen ja heräsi taas, sitte menthiin pätkäunila viitheen asti ja Joonaksella soi kello jo ennen puolta seittämmää. Aamu ei oikeastaan itkeny ko silloin kahelta ja sitte neljän aikhaan, mutta semmosta kitinää oli ja panadoli loppu lauantaina, eikä täälä tietenkhään mistään sitä saanu lissää ko apteekki aukesi vasta tänhään. No ehkä ens yö parempi :)
Aurora kulkee kerhopaikalla samalla perhepäivähoitajalla, missä oli hoijjossa ennen minun äitiyslomaa. Ens viikola alkaa molemmat tytöt PPH:lle ko mulla alkaa "normaalit" työvuorot. Nyt olen tehny enempi iltavuoroja ja viikonloppuja, niin Joonas on saanu olla tytöitten kans. Tänhään menemä Aamunki kans tutustuhmaan taas PPH:lle, niin on helpompi alkaa hoitoon.
Nyt Aamu nukkuu päikkäriä niin mieki taijjan alkaa kattohmaan Pirunpeltoa ja kutohmaan sukkaa.
Kuuhlaan!
Saana
Ei kommentteja:
Lähetä kommentti